Girls’ Talk - 扮靚錦囊

Girls’ Talk - 扮靚錦囊

集數

節目由一班閨密主持,落手落腳示範,讓忙碌的香港女性能在15分鐘內掌握最新美容、飲食及玩樂資訊。星期一《扮靚錦囊》,三位閨密將針對一個扮靚話題提供自己的方法,在家中親身示範,並拍片分享。按三個扮靚效果作街頭訪問,收集男路人的意見,比較兩性看法。

修整眉毛

點解一團女人嘅話題比一團男人嘅話題多?因為女人堆入面有一個不死嘅話題,就係「扮靚」!台灣人稱呼靚女做「美眉」真係無錯㗎!因為女仔再素顏都好,條眉唔搞搞佢硬係都唔安心!

臉上的毛髮

「美人生鬚」四個字係咪始終唔能夠安撫有面毛煩惱嘅妳呢。每隔一段時間就要同毛毛行刑,花時間又花心機。今日等我哋同你分享啲去面毛心得,仲有介紹我哋自己常用嘅去毛神器。

保濕獨門秘技

「乾」呢個字對女仔嚟講實在太敏感喇。講緊我哋嘅皮膚呀。相信每個女仔對於保濕都有獨門秘技。而坊間流傳緊用綠茶粉開出嚟嘅自製面膜有保濕美白功效,即刻撻上面試試先!

牙齒變潔白

就算你妝、頭、衫、鞋都一絲不茍,恍如女神下凡,但如果一開口D牙係黃黅黅,就再靚都一樣會扣晒分啦!除左刷牙之外,仲有D咩方法可以美白牙齒?

豐唇

唔同年代都有唔同美唇嘅方法,不過點化都好,只要個唇夠厚,都會變得特別性感。今集girls' talk扮靚錦囊就同大家試下唔同嘅豐唇方法,想變安祖蓮娜就痴實girls' talk啦!唔知做完之後係上唇厚啲定下唇厚啲呢?

眼影

眼係靈魂之窗,想擁有一對迷人嘅眼神一啲都唔難,只要兩個字-"勤力"就得啦,就係睇實黎緊2集girls' talk扮靚錦囊啦。今集先教你點化一對電死人嘅眼影妝。咩話?你一啲技巧都無?

眼線

天生麗質人人都想,可惜現實就係要努力學習將勤補拙。五官入面最重要嘅係對眼,只要對眼化得好,幾醜嘅女仔都可以令你停低望多幾秒!

染髮

市面上咁多染髮產品都唔知邊隻好,一下唔小心,個頭就變左執草!如果有錢梗係唔會揀自己染啦,咁慳家嘅女士們係咪就無得揀呢?梗係唔係啦!

腳毛

女仔唔怕眉毛同眼捷毛多,最怕係腳毛多。夏天到啦,無理由為咗啲腳毛而收埋條美腿架嘛!今集girls' talk扮靚錦囊同你一齊解決毛毛嘅煩惱,毛又唔一定要脫嘅!

黑頭

一諗到鼻上面啲黑頭就諗起日本熊本出產嘅士多啤梨。媽啊!點解擠到個鼻紅哂都仲有咁多黑色點點,仲要愈擠愈多!放心,呢個情況唔係淨係得妳遇到,成班girls' talk嘅姊妹都有遇過!

紋身

女仔扮靚花時花力,男仔點諗都諗唔明。不過講到紋身就唔同講法啦,10個男士入面起碼有一兩個有紋身。今時今日紋身已經唔係男士嘅專利,好多女士為左記低自己嘅經歷都會以紋身作記錄。

整指甲

女仔貪靚係天性,但唔係人人願意花咁多時間去打扮自己。一提到整指甲,一班手殘嘅女仔就會諗起好花時間、好易油出界、好嘥錢。你諗到嘅野,Girls' Talk又點會諗唔到。

頭髮

一早起身,個頭亂到好似打風咁!朝朝出門已經趕時間㗎啦,仲要洗頭!有咩辦法可以令頭髮貼貼服服?睇Girls' Talk未必一定幫到你,但唔睇Girls' Talk就一定幫唔到你!

眼睫毛

想眼睫毛有長又翹,方法有好多!不過唔係每一種都幫到手,有啲仲有可能愈整愈衰,得不償失。係咪有啲方法好想試,但又唔敢試呢?

敏感肌

香港空氣污染都幾嚴重,如果出街仲要化厚妝,皮膚就更加容易敏感,所以守護肌膚嘅任務要做好。

髮型

成日聽到男朋友話悶,不如搞搞新意思,轉下個髮型,俾啲驚喜佢啦!但懶係人嘅天性,如果要早一個鐘set個靚頭,就係為左男朋友一下嘅驚喜,我寧願訓多陣。

防水妝

炎炎夏日,去邊好?唔駛諗,梗係要去沙灘泳池曬個古銅色肌膚,同玩下水啦!但如果約左心儀對象去玩,無理由唔化行個妝就見人架!

遮瑕

女仔化妝遮瑕遮得好就係將自己最靚嘅一面展現出黎,遮得差就即係將自己嘅缺點暴露俾大家睇,一切只是一線之差。如果唔想自暴其短,你就知點做啦!

m到

香港個個女仔都係女強人,個天跌落黎都會頂硬上。但幾犀利嘅女仔,當遇上"姨媽"都忍唔住嗌救命。最明白女生心事嘅girls' talk又點會唔幫手諗諗計呢?

如何塑造完美胸部

黎到20集啦!Girls' talk扮靚錦囊決定衝出框框,同大家講一個非常嚴肅嘅話題,就係"如何塑造完美胸部"! 娟姐為咗大家嘅福祉,都拋咗個身出黎搜羅最完美方法,如果想有完美線條嘅girls,知道點做啦!

完美臉形

依家網上面咁多靚人靚相,但當見到真人嘅時候分分鐘認唔出。其實想V面又唔一定美圖apps先幫到你嘅,依家市面上有好多product都可以幫你塑造完美臉形!

角質層

原來我地皮膚每小時每一個平方厘米都有1300個細胞掉落緊架!好得人驚呀!所以我地一定要做好去角質呢一環,捽走呢啲掉落左嘅死皮細胞,絕對唔能夠馬虎,唔係肌膚就會變得暗啞架啦!

背脊痘痘

夏天熱辣辣,但背脊一撻撻?又真係幾灰嘅,想著露背衫唔得,想著bikini玩水又唔得!其實背脊有痘痘又唔係絕路嘅,正所謂: 凡事唔係絕對嘅,有girls talk就有辦法啦!

單眼皮

雙目無神全因爲對單眼皮?今集Girls' Talk扮靚錦囊同你正視雙眼浮腫,眼皮厚實嘅問題。單眼皮嘅姊妹們又唔一定要飛去韓國嘅,唔同眼皮都有唔同嘅雙眼皮產品。

護唇

秋風吹起,個唇即刻乾到啲紋都走哂出黎,女人唔補之後就真係無得補架啦。點先可以有安祖蓮娜咇得出水嘅唇,同舒琪咁迷人粉嫩嘅sexy lips呢?好簡單,最重要一樣野,睇今集Girls' Talk扮靚錦囊啦!

臭狐

男仔有臭狐已經唔太討好,如果女仔都有臭狐就真係會無朋友。不過天生多汗又有咩辦法喎,邊個想自己有陣臭味呢?今集Girls' Talk扮靚錦囊同大家研究點減少排汗同抑壓腋下細菌滋生,唔想"臭賓賓",識點做啦!

護甲

好多女仔淨係掛住護理皮膚、頭髮,成日忽略左指甲嘅護理,指甲唔護理分分鐘變到又黃又硬!到時就算皮膚幾好,頭髮幾柔順,但手指甲又灰又黃又甩皮,人地連手都唔想同你握呀!

防曬

防曬?夏天過左啦喎仲防曬?唔好以為夏天先要做防曬,傷害皮膚嘅UV,喺任何時候任何季節都有,所以我地絕對唔可以鬆懈!今集Girls' Talk扮靚錦囊會同大家研究唔同防曬產品嘅有效程度,知道左就唔怕曬傷啦!

肚腩

女神嘅天敵就係肚腩,網上面有咁多方法,總係試唔到一啲有明顯效果嘅。媽呀,唔通真係要一世都對住個大肚腩?又唔駛咁灰,如果做運動真係幫唔到你,或者都有啲另類方法,睇下今集Girls' Talk扮靚錦囊幫唔幫到你啦!

底底

底底係我地每日最貼身嘅朋友,點可以唔重視呢?對女仔黎講,底底一定要又靚又舒服,唔好話係著俾人睇,望到自己著住條靚靚嘅褲仔,心情都靚啲啦!

Halloween妝

Halloween黎到,又係狂歡嘅日子啦!咩話?好緊張唔知扮咩好?無時間準備?唔識化鬼妝?唔駛擔心!有我地Girls' Talk扮靚錦囊,即使去到last minute,都有我地同你拆點佢。

眼紋

要知道一個女人幾多歲?好簡單,望佢隻眼就知道,因為女人一到左某個年紀,啲眼紋就會自然跑出黎。所以要守護自己年齡嘅秘密,就絕對唔能夠對眼紋問題鬆懈。

落妝

要保持白滑清潔嘅肌膚,首要條件就係-落妝要徹底,黃金守則"花幾耐時間化妝,就花幾耐時間落妝!"。臉上面只要有一點化妝品落唔清,都會做成敏感、暗瘡、皮膚粗糙同細紋等問題。

腳部護理

一到左秋冬,成身都好似榨乾左水咁,一啲水份都無,望下隻腳踭乾到裂開哂,如果出街著涼鞋俾人見到有幾咁尷尬。所以要樹立一個女神形象又點可以唔好好護理自己對腳呢?

護髮

成日都想自己屋企染,但又怕染到一撻撻又傷頭髮,出街染又怕嘥時間又怕貴。咁到底去街染好定屋企染好呢?

頭髮造型

一年一度嘅”Girls' Talk 5分頭髮造型大賽”首次舉行!上一次大家就熱烈討論過咩場合應該用咩髮型,今次就要認真實習下啦!俾5分鐘時間班女仔,唔知又可以紮到咩髮型呢?邊個最有天份轉行做造型師呢?

四肢纖體

即使身段有幾咁纖瘦,胸前有幾咁偉大,只要擁有大象咁粗壯嘅四肢,都唔駛諗可以成為現今趨之若鶩嘅女神。

聖誕妝

相信香港人最享受嘅節日莫過於聖誕節,一年一度普世歡騰嘅日子當然要隆重其事啦!無論喺屋企開party定係同朋友一齊食聖誕大餐都希望自己用最sharp醒嘅狀態出席。

Christmas

聖誕快樂!香港人最開心就係聽到聖誕節黎啦,因為聖誕節嘅來臨即係代表又有得放大假去下旅行啦!

洗掃

新年快樂!話咁快又過左一年啦!新一年梗係要清走啲廢物啦!唔單止係你屋企啲唔要嘅衫褲鞋襪,精品擺設,其實細到連你化妝掃上面嘅廢物都要清走去啦!

提臀

要成為女神一啲都唔容易,又要長腿又要纖腰,仲要挺胸提臀!唉算啦,做個普通人算啦!

耳部護理

耳垢係人人都有嘅野,但唔係人人都可以坦蕩蕩咁講自己耳垢嘅問題,咁又真係幾尷尬嘅!

化妝用品

工欲善其事,必先利其器!要化到一個充滿仙氣嘅女神妝,當然要有一套好嘅化妝工具!但化妝工具有咁多種,到底邊種先係最好呢?

香水

人嘅嗅覺特別靈敏,所以當一個人身上都散發住一種氣味嘅時候,無論係香定臭都好容易俾人偷偷記住左,想避都避唔到。所以要時刻警覺,留最好嘅印象俾人,就要有好嘅準備。

暗瘡

暗瘡係每個人嘅天敵,即使係皮膚幾好都會生過,仲要頑固到生完又生,到底有無咩方法係可以徹底根治架呢?要對付暗瘡先要知點解會有,對正下藥先可以治本!

啪面

新一年新搞作,過去一年有無覺得自己邊度唔完美,影相唔夠靚呢?近年好流行嘅啪骨瘦面,人人都話可以改變面型,塑造完全v面,今集Girls' Talk 扮靚錦囊同你出去試下到底係堅定流!

高跟鞋

好多女仔返工都可能唔駛著高踭鞋,但對於一班OL或者空姐黎講,真係點避都避唔到!日日咁著隻腳唔流血都變畸型。

洗面機

想洗個面啫,駛唔駛咁多工具呀!你錯啦!有時深層污垢唔係就咁用一雙手或者一支洗面奶就洗得乾淨架,當然有一部好嘅洗面機都好重要啦!但咁多唔同種類嘅洗面機揀邊部好呢?

眉型

啲人話喺中國文化入面,眉可以決定一個人的命運!堅定流我就唔知啦!但想做一個有仙氣嘅女神,一條咩形狀嘅眉都幾有關係架?點先修到一條黃金比例嘅眉?

OL補濕大法

一眾OL每日都要面對同樣問題,就是返到office冷氣房接受8個鐘水分抽乾嘅考驗。如果無為肌膚做好補水工作,肌膚一定好快皺哂皮。

造形大改造

每個女仔都會為自己定立一個適合嘅形象,但有時望住自己著來著去都係同一個style,唔好話自己,身邊嘅人都會覺得悶。所以今集Girls' Talk扮靚錦囊會嘗試為姊妹們黎一個形象改造,發掘任何潛在嘅可能性。

眼肚紋

每日都要諗用眼鏡定化個濃妝遮遮個眼肚紋已經夠煩,仲要望住佢一日一日咁惡化加深都幾頭痕。其實只要用啱方法可能可以同所有眼紋講byebye 添!簡單起上嚟上嚟工具都唔駛,有你雙手就得喇。

救皮膚

臨瞓之前搽幾百種護膚品都係想皮膚keep 得到靚靚。但其實你應該要由最根本去做起,簡單嚟講就係瞓個靚覺。瞓得好,皮膚自然好啦。今次我哋準備咗唔同方法俾你,由內到外幫你瞓覺好嘅!

掉髮

男士有掉髮問題大件事,女士有掉髮問題更加係災難。唔駛驚,今次我哋由身體內到外同你分析呢個問題,細至一把梳點揀,深層次去到穴位按摩防掉髮都教埋你,總之就有辦「髮」啦。

鼻

其實個鼻生正喺我哋塊面中間,如果生得唔靚真係好礙眼咖。但係又唔係人人接受到去整型喎...唔怕,我哋幫緊你!幫緊你!有啲方法keep 住做慢慢改善又有,即刻變高都得呀!

增高

有邊個心底入面真係想做哈比人吖,既然上天生成冇得救,不如後天諗計搞搞佢啦。如果你都有身高問題一定要留意,分分鐘可以令你瞬間高半個頭呀!

控油

有咩慘得過同男神出街,影相嘅時候塊面反晒光影你唔到吖......師姐,你成面油搞唔掂喎。想有效面部控油其實只要你用啱產品就冇問題啦。晚修產品、自家製秘方,急救工具私人過幾招俾你啦。

假髮

如果不可改變臉型,就換個新髮型。歌都有得唱啦,但係咪唔夠勇氣去做呢其實市面上有唔同髮品product, 幫你頭髮變長又得,立即變短亦得,得咗。試到啱feel, 咪一嘢剪個啱自己嘅靚髮型囉。

去漬

「污漬簡單,抹去卻是極難,幾多碌卡帳單。」Girls 我哋用咁多血汗錢買件靚衫,可能一滴豉油汁將佢破壞,其實真係好唔抵。

口氣

Girls 其實外觀除咗妝靚,衫靚之外,仲有一樣嘢好影響人對我哋嘅第一觀感,就係口氣喇。我哋幾咁靚都好,只要有口氣問題,咩人都嚇走啦,今日我哋一齊睇吓有咩方法試吓解決呢個難題啦。

化妝品重生

身為一個貪靚嘅girls, 有十件八件化妝品係好正常嘅。正如我頭先所講啦,身為貪靚嘅girls, 有一、兩件化妝品唔覺意整爛咗,亦好合邏輯。不過我哋一啲都唔肉赤,因為有大把方法令你哋嘅化妝品重生。

父親節見家長

父親節要拜訪男友父母可以話係一大挑戰。不過我哋Girls冇驚過,我哋會同你細心分析吓點樣係得體,點樣係大方。分分鐘認定你係未來新抱呀。

韓式瀏海

瀏海或捲髮 或許不可給你選。歌詞都有教啦,今日哋幾位Girls 決定將個瀏海交俾對方手,即場剪個韓式陰。睇吓大家可唔可以carry 到先。

韓式Fashion

以下是一節暴風消息,隨住韓風Fashion吹襲,社會上有唔少Girls都大受影響。逐漸戀上韓國少女近期最潮服飾,究竟點樣穿搭先可以做到最好睇、最有韓味,等我哋話你合啦。

襯衫Mix & Match

有無試過因為自己的衣著品味而被評頭品足,又或者因為咁而令自己失去自信? 一向被人認為係潮流末端的家媛,今日終於被姊妹們翻開衣櫃,將衣櫃入面的衫重新檢視,再重新打造一個令人嘆為觀止嘅造型。

牛仔褸

樓就話買唔起啫,褸就總有10件8件啩!就算無,屋企都總有一件永遠唔會過時嘅牛仔襯,堪稱最易襯,最唔需要打理嘅褸,你唔係無啩?無都唔緊要,睇完今集扮靚錦囊就好買啦!

如何護理隱形眼鏡

節目由一班閨密主持,落手落腳示範,讓忙碌的香港女性能在15分鐘內掌握最新美容、飲食及玩樂資訊。星期一《扮靚錦囊》,三位閨密將針對一個扮靚話題提供自己的方法,在家中親身示範,並拍片分享。

牙齒護理

“喂,你有條菜係牙隙!”人人都會想擁有又乾淨又白雪雪嘅牙齒,美白功夫做得多,但護理牙齒嘅基本工反而做唔足,想擁有美白牙齒,先學好牙齒護理。

泳衣

夏日炎炎當然要出外玩水!但著住套泳衣又無咩身材,真係會好自卑㗎。我哋一班girls又點會唔明呢個道理呀,所以今集扮靚錦囊請咗班主持們一齊同你大曬泳衣,同你研究點著先好睇,其實無身材都可以著得好好睇㗎。

脫毛機

成日都話自然就是美,但望住啲腳毛Fing fing下,真係好難俾佢自然成長。所以身為一個女神,都難免會為自己嘅毛髮而煩惱。

洗白鞋

“夏天為大地帶黎雨水”電視廣告都有講啦!咁就死得啦,因為一到夏天就最鍾意著住對白色鞋仔出街,成日狂風落雨,唔想整烏糟對白色鞋,咪唯有將對鞋放喺屋企鋪塵囉!

修甲

女仔貪靚就係人都知啦,淨係整隻指甲都用成個鐘啦,但有時整得靚都未必襯得靚,因為原來唔係每一種嘅指甲型狀都適合所有人,揀錯指甲型狀分分鐘令隻手指望上去又短又肥!

牙箍

人人都想一出世就有副整齊嘅牙齒㗎啦,但呢啲嘢邊到你決定呀,都係靠後天努力啦!但後天努力都要有金錢嘅支持,無錢學咩人貪靚呀。又唔好咁講,今集扮靚錦囊搵到好平嘅牙齒矯形嘅方法, Work唔work試過你就知啦!

捲髮器

頭髮一向都係女仔嘅重點項目,有幾百種髮型可以set,無啲工具幫手又點得呢?今年流行捲髮,就咁捲髮器都有幾十款,到底邊個好用,邊個抵玩,真係唔識分,不過有我地girls幫你又洗咩擔心呀!

穿耳

耳環係一種令自己每日有少少唔同嘅飾物,唔太明顯,但嗰少少嘅不同可以留住一個男人嘅目光!好誇張?是真的!所以無耳窿嘅你係咪好想即刻穿返個呢?唔好等啦!

鼻毛

鼻毛外露唔係男人嘅專利,其實好多女仔都面對同樣問題,只係佢地都會靜雞雞打理好,唔俾人見到。有見及此,今集Girls' Talk扮靚錦囊,同你哋試試一啲去鼻毛嘅產品,以確保大家唔會有鼻毛外露嘅尷尬場面。

黑頭

士多啤梨鼻人人都唔想有,但呢啲野永遠都唔輪到你揀,撕過、捽過、擠過,點整都整唔走!今集Girls' Talk扮靚錦囊踢走傳統方法,同你試下現今唔同嘅黑頭機,有頑固黑頭唔駛愁,總有一部唔係流!

染髮衰左

人人染髮都總有失手嘅時候,雖然可以補染,但染完又染,其實好傷頭髮。咁可以點?今集Girls' Talk扮靚錦囊,同你試下啲唔傷頭髮嘅補救方法,搞到個頭一撻撻嘅你,洗定頭等我哋啦!

橙皮紋

好多女士都好重視身型,每日都為瘦身而努力,終於成功減磅,但卻留下永遠磨滅唔到嘅「橙皮紋」。無錯!突然消瘦真係會產生好多橙皮紋㗎,呢個絕對唔係大肚婆嘅專利,所以有得避免就當然要及早預防。

增高穿搭法

十隻手指有長短,生得唔高唔係你嘅錯。天生不足,都總可以後天努力!我地就係明白,每個女仔都想有高挑身材,所以今集Girls' Talk扮靚錦囊就教你點可以著得高啲,唔係講笑,呢啲小技巧分分鐘可以令你著完高3吋!

鼻毛

有時喺街度見到啲男人露哂啲鼻毛出嚟,真係會忍唔住打咗個冷震。不過呢個問題絕對唔係男士嘅專利,好多女士都同樣面對呢個問題!如果唔想遇到尷尬場面,真係要認真處理一下鼻入面嘅毛髮。

直髮夾

好多女仔無論係直髮曲髮都好,屋企都一定會有一隻直髮夾,因為除左可以做到直髮,好多唔同類型嘅頭髮造型都可以做到。雖然係咁,又係咪每個女仔都識得正確使用呢?又或者係咪類型嘅直髮夾都岩你用呢?

美甲

人美甲我美甲,唔知點解成日都搞成個鐘,又搞到成手都係,所以整指甲呢啲嘢都係交俾人搞啦!無錯,唔識整梗係唔好亂黎啦!但有方法可以輕輕鬆鬆都整到啲指甲好似女神咁就真係要學啦!

美容覺

有邊個唔想返工返學之前瞓多2個鐘,一日24小時總係有好多嘢要做,有幾可可以瞓足8個鐘呢?既然瞓唔足,不如試下用啲小工具去幫自己瞓好啲啦!因為幾點瞓同瞓得好唔好,係直接影響一個人嘅身體同肌膚㗎!

頭髮開叉

感情線已經成日開叉㗎啦,你唔會想啲頭髮都成日開叉啩!頭髮開叉除左望落去好似禾稈草,仲令頭髮得唔到應有嘅營養,分分鐘會甩頭髮㗎,到時想條感情線唔開叉都唔得啦!咁可以點?今集班girls同你諗諗計!

脫髮

十個光頭九個富,係咪真呢我就唔知啦,不過我就好肯定佢地就唔會開心囉!當你以為呢個只係男人嘅煩惱嘅時候,你就錯啦!依家香港地壓力大,女性都慢慢遇到呢個問題,到發現要補救嘅時候,就已經太遲了。

減肥

減肥係女仔嘅一生事業,但今時今日仲為左靚而減肥就太傻啦,其實個人瘦啲健康啲,人生都會開心啲,我地girls talk班女仔就係例子啦,日日做運動都係想健康啲開心啲,今集girls talk扮靚錦囊同你笑住減。

更多類似影片