息賺

息賺

集數

美國加息, 債劵買唔買得過? 房託基金又應該點樣揀, 一齊傾吓收息產品, 睇完更加 "識賺"。

過去一年,10隻在港上市嘅主要房託基金(REITs),全部錄得負回報,點解表現會咁差?今年仲值唔值買入?

美國國債孳息近期有加快回升嘅迹象,美國10年期債息突破1厘,不過,企債市場情況就有啲唔同,尤其係投資級別嘅美元企債,實質回報率破天荒出現負數,意味債券到期回報率係負數,但仍然好多投資者搶住買。

美股近年屢創新高,例如標普500指數已經連續12年牛市,令唔少投資者擔心美股即將「牛轉熊」。富昌金融經紀業務部副總裁莫家強就教路,原來高息股除咗收息,仲可以用嚟預測牛轉熊嘅時機。

據《彭博》終端機數據顯示,港股1月總回報率排行榜頭5位,分別係聯想集團(00992)、郵儲銀行(01658)、中信建投証券(06066)、中信股份(00267)及中國海洋石油(00883),其中聯想係少數派息唔錯嘅科技股。

近十年一直係貴絕全世界嘅中環甲級寫字樓,舊年租金大跌20%,但同期本港其他甲級寫字樓租金只係跌咗5%。近日市傳渣打集團(02888)擬棄租中環總行8層寫字樓,喺疫情持續下,甲級寫字樓租金係咪會繼續跑輸?

車位買賣有轉旺趨勢,睇返中原地產研究部嘅數據,舊年12月開始,一二手住宅車位買賣合約登記明顯急升,不論係整體交易,還是一二手數字,最少係一年最多,點解會出現呢個現象?

2月有13隻港股打入高息股榜,中資股佔10隻,港資股佔3隻,分別係恒基地產(00012)、新世界發展(00017)、長江基建集團(01038)。