未來教室

未來教室

集數

STEM 教育鼓勵小朋友探索自己的創造力,成為未來的創造性思想家、讓孩子們用自己的想像力、自由性和靈感去學習、把精彩的想法變成酷炫的實物。在創造過程中,讓小朋友可以在錯誤中學習,訓練解難能力,學習面對失敗。

正所謂一分耕耘一分收穫,種花種菜種水果都要用好多心機同時間,呢間學校嘅同學仔,就設計咗一部機土壤濕度探測器,用嚟幫助農夫

要照顧BB真係唔容易,經常都要留意佢地嘅一舉一動、確保安全。好多父母為咗全天候睇住BB,搞到無哂私人時間。呢間學校嘅同學仔,就希望幫輕吓啲家長,設計咗一個電子保姆,到底會係點嘅呢?

有無試過打機、打波嘅時候,畀人笑反應慢呢?都真係會幾尷尬㗎,唔想咁樣,可以點樣?呢間學校嘅同學仔,就設計咗一件作品,可以用嚟訓練反應。

喺戰國時代,曾經有兩位哲學家,討論人到底係咪感受到魚嘅心情;其實魚只要食得飽又可以自由咁游嚟游去,都應該會開心。呢間學校嘅同學仔,就設計咗個自動餵魚裝置,咁就唔怕餓親啲魚仔啦!

雖然古語有云「勤有功、戲無益」;不過今時唔同往日啦,聯合國兒童基金會就提出,應該畀小朋友每日至少一個鐘頭嘅自由遊戲時間。呢間學校嘅同學仔,唔至玩咁簡單,仲要自己嘅玩具自己整,咁係咪叫做雙重開心呀?!

槓桿原理、能量轉換、電腦繪圖、鐳射切割、零件組裝……聽起上嚟好大工程、好複雜咁喎;其實呢間學校嘅同學仔,就運用咗以上嘅知識同技術,整咗一件砌得、睇得又玩得嘅STEM作品,一次過滿足三個願望呀!

紅Van唔一定要凌晨先搭得,日光日白一樣有得搭,不過你有無試過搭紅Van嘅時候,要打電話留位呢?呢間學校嘅同學仔,就運用STEM嘅知識,設計咗個裝置,幫助車長掌握沿途小巴站嘅乘客量,真係好勁呀!

喺香港,無論係小朋友定大人,都面對好大壓力!到底有咩辦法可以紓緩呢?呢間學校嘅同學仔,學識咗一啲新既技能就編寫咗個手機程式,希望幫助大家。

「屹」凳呢啲壞習慣一定要改,因為畀老師或者家長見到,一定會鬧㗎!而且「屹」凳都好危險啫,跌親就唔好啦。而呢間學校嘅同學仔,擔心小朋友有呢個危險,就設計咗個裝置。唔知大朋友用唔用得呢?

俗語有云「助人為快樂之本」,又正所謂要「日行一善」。講咁多道理,無非都係想導人向善,希望大家可以互相幫助啫!就好似呢間學校嘅同學仔,為咗協助聽障人士,喺遇上火警嘅時候,可以安全咁逃生,就設計咗個智能系統,真正發揮守望相助嘅精神呀!

香港雖然係美食天堂,但係每日都會棄置大量廚餘。無論係小朋友定大朋友,最緊要惜食,唔好做大嘥鬼呀!呢間學校嘅同學仔,就設計咗個「智營餐盤」,聽講可以幫助減少廚餘,同培養健康飲食習慣。到底係點樣嘅呢?

香港人口持續老化,根據政府統計,大約有116萬名65歲或以上長者,佔整體人口比例接近16%,我哋好應該關心同支援佢哋㗎!呢間學校嘅同學仔,就憑STEM嘅知識,設計咗各式各種嘅裝置,希望可以幫助長者改善生活呀!

「落紅不是無情物,化作春泥更護花」,花開花落係自然現象,但係想花開得燦爛啲、植物生得茂盛啲,就需要我哋嘅栽培同保護喇;呢間學校嘅同學,就設計咗個裝置,希望可以幫手種得啲花靚啲呀!

有啲運動可以一個人做,例如跑步、踩單車、健身;不過,有啲運動就要有對手或者拍檔喇,好似打羽毛球、乒乓波等等,無人陪又想打,點算好?呢間學校嘅同學,就設計咗個裝置,可以陪你練乒乓波呀!