晚吹 - 有酒今晚吹

晚吹 - 有酒今晚吹

集數

古今中外,人類的品酒文化源遠流長!結婚時、畢業時、離別時,人們都愛以酒相伴…人生中的悲歡離合、喜怒哀樂,每一事每一物都總能以美酒作搭配。若說「美酒」能說「故事」,大概亦不假!全新一輯《晚吹》系列作品:《晚吹:有酒今晩吹》,主持人會以「一枝酒,一個故事」出發,與每集受邀請的明星嘉賓,一齊「堅飲、堅醉、堅吹水」。未醉之前,大家固然能侃侃而談,有紋有路;醉了之後,彼此更會放下隔膜,爆料講真話!

本節目播出以來,有一位歌手朋友嘅名字老是常出現,更被列為「史上最慘情屋主」!今集,我哋揾來當事人:鄧小巧現身,同主持分享招呼醉酒朋友會面對嘅難題,並一齊暢飲三款「布爾岡葡萄酒」。

潮流興有機,食物要有機,化妝品要有機,就連飲酒都要有機?今集,3位主持會用一系列極具特色嘅「有機葡萄酒」去招呼嘉賓─「最有機」响今年爆紅嘅viuTV家族新成員,岑日珈Angie。Angie出道時向自己許下「6年之約」,未能大紅就引退。

人愈大,就愈希望獨立;原來唔止係人,就連酒莊都會想「獨立」。今集,三位主持用一系列別具特色嘅「獨立酒莊香檳」,去招待一位同樣於近年離開大台「獨立」作自家發展嘅藝人:麥包,一齊傾吓偈!

提起西班牙,唔止有皇馬、巴塞,同西班牙海鮮炒飯,仲有「性價比」甚高嘅葡萄酒。今集,3位主持就要用3枝別有風格嘅「西班牙葡萄酒」,去招呼嘉賓:鄭融。推出大熱歌曲《紅綠燈》之後,鄭融何解事業忽然停滯不前?

《有酒今晚吹》其中一個特色,就係嘉賓靚女多!今集亦不例外,請來兩位女神級人馬:「文青女神」林婷,以及「冰美人」陳穎欣Yanny上嚟,同三位主持一齊品嚐一系列別具特色嘅「長相思 (Sauvignon Blanc) 葡萄酒」。

自 Shirley 沈加盟本節目以來,網民好評不絕!但若然一個 Shirley 已經令大家開心,兩個 Shirley 聚首應該令大家更興奮!

要數2020年ViuTV最多人談論嘅原創劇集,《男排女將》一定榜上有名。今集,3位主持就要用一系列特色「本地手工啤酒」,去招呼《男排女將》嘅兩位演員:「黃金sir」陳宇琛,以及「安安」余潔瀅。

有人講過,人愈大,酒量會愈來愈好。但對於今集嘉賓,自稱外貌同心境都保持係小朋友嘅:「林欣彤Mag」嚟講,又成唔成立呢?今集,3位主持就要用一系列「智利葡萄酒」嚟fact check!

傳說,有火火嘅地方,都係會有人飲醉兼且瘋狂爆料嘅地方!今集,3位主持預備咗一系列「日本燒酒」嚟驗證一下呢句說話嘅真偽。於《真PK》及《PK Trip》節目中裸跑,令火火及KB「一脫成名」,「裸跑」出國際,但原來背後全部係被人呃所致?

音樂才子林奕匡,唱作能力備受讚賞,飲酒佢又在唔在行?今集,3位主持預備咗一系列「葡萄牙葡萄酒」,測試一下佢嘅酒量。一人一個飲酒後最遺憾嘅事,林奕匡嘅憾事,居然係同緊貼《叱吒頒奬禮》消息有關?

近年熱捧男子偶像組合,繼Mirror及Error後,2021年最矚目「男偶」組合必定數佢哋:P1X3L!今集,3位主持就準備咗一系列「法國夏布里葡萄酒」加「魚子醬」,嚟招呼3位小鮮肉。

星期一晚,因乜解究陰風陣陣?原來係「鬼王」潘紹聰大駕光臨!今集,3位主持就準備咗一系列「澳洲葡萄酒」,嚟為「鬼王」洗塵。ViuTV錄影廠素來有鬧鬼傳聞,今集「鬼王」就話你知佢响錄影廠嘅親身經歷!平時淡定嘅詩詩,今集居然被嚇到倒酒都手震?

初一十五食齋,大家或者試得多。飲酒都要講「素」,大家又有冇試過?今集,3位主持決定用一系列「素食葡萄酒」去招呼嘉賓:「非一般保險佬」林作!林作行事出人意表,但勢估唔到佢飲醉酒後居然鍾意「裸跑」?

要做大紅人嘅另一半,本來已經甚具壓力;若然另一半係「今期大熱」嘅林作,承受嘅壓力應該「爆錶」!今集,3位主持就準備咗一系列「阿瑪羅尼葡萄酒」,嚟歡迎林作嘅另一半:裕美。林作出名口沒遮攔,得罪人多,但正因為咁,先成為裕美鍾意佢嘅契機?

一周年啦!適逢本節目一周年慶典,當然要揾一班老朋友「慶生」。今集,3位主持就準備咗一系列「新世界汽酒及女釀酒師主理香檳」,嚟歡迎4位曾經亮相本節目嘅「最爆」嘉賓。

上一集一周年特備內容,3位主持同一班嘉賓傾得咁高興,當然唔好停!今集,主持們繼續以一系列「新世界汽酒及女釀酒師主理香檳」,嚟款待4位嘉賓。七師父素來多才多藝,玄學術數之外,原來仲曾經幫人填詞?到底邊一首名歌有幸出自佢嘅「聖手」?

樂壇,從來係一個講輩份嘅地方!今集,一班「環球師姐師弟」會上來,同3位主持們一齊品嘗一系列「阿根廷葡萄酒」。點解ONE PROMISE稱呼Jace係「環球大師姐」?輩份仲要高過Gin Lee同AGA?

今集,本節目將會邀請到大台當紅小生洪永城…嘅女朋友:梁諾妍 Inez,以及「模特兒閨密」黎紀君 Christy 上嚟做嘉賓。有靚女到場,主持們唔敢怠慢,以一系列「意大利有氣酒」嚟款待兩位。Inez 踢爆當年同洪先生拍拖前,已經被佢「呃咗」?

做 Band 仔,能夠一直堅持夢想嘅並唔多,出道14年嘅Kolor肯定係其中之一。今集,3位主持決定用一系列「蘇格蘭斯佩賽區威士忌」去招呼Kolor五子!一人一件Hangover事件!

曾幾何時,香港湧現一批樣貌身材都十分優秀嘅外籍女model,而Amanda Strang就係俵俵者之一!今集,3位主持會用一系列「日本葡萄酒」去招呼Amanda,同佢傾吓偈!

從《暗湧》、《垃圾》,走到《亂世情侶》,陳輝陽可以話係廣東歌嘅代名詞。今集,3位主持會以一糸列「艾雷島威士忌」嚟招呼呢位「K歌之王」。